Os de As Pontes saben que non deben pinchar neste partido
Maña domingo, os de As Pontes, necesitados de puntos, recibirán ás doce e media no Pavillón do CEIP Monte Caxado ao Inversia Seguros A Estrada Futsal, nun encontro correspondente á undécima xornada de liga na Segunda División B. Os ponteses, que chegan a este encontro tras ser derrotados nas tres últimas xornadas, buscarán revertir a situación cunha vitoria que lles permita saír dos postos máis baixos da táboa e intentar aproveitar os enfrontamentos directos entre equipos que os preceden nunha clasificación moi igualada na zona media-baixa, onde hai seis equipos separados por tan só un punto de diferenza, de aí a importancia deste encontro para os intereses dos ponteses. Pero non o terán nada fácil ante o conxunto estradense que chega a este encontro nunha dinámica positiva de tres xornadas sen coñecer a derrota e que de seguro quererá seguir o domingo. O Inversia Seguros A Estrada Futsal está a realizar un primeiro terzo de tempada máis que aceptable, ocupando o décimo posto da clasificación con 13 puntos, só catro mais que os ponteses que son décimo cuartos con 9, de aí que o partido do domingo sexa relativamente importante para os intereses dos ambos equipos, polo que se espera un partido moi disputado e igualado de principio a fin. Os estradenses formados por xogadores con ampla experiencia na categoría e en categorías superiores xunto con xogadores novos fan que sexa un rival difícil de bater, saben aproveitar moi ben os erros do rival, son moi perigosos nas xogadas de estratexía a balón parado e tamén ao contragolpe. Os xogadores do Esteo saben que para contrarrestar todo isto terán que afrontar o encontro, dende o principio, moi intensos e concentrados a nivel defensivo para evitar ir a contracorrente no marcador dende os primeiros minutos de xogo, omo atacante onde terán que recuperar a capacidade goleadora perdida a pasada xornada en Vigo, para tentar sumar tres puntos importantes. Para a disputa deste encontro, os de As Pontes convocaron a todos os seus xogadores, aínda sabendo que algúns deles teñen problemas físicos dende fai varias xornadas, ainda así agardan que a maioria sexa da partida. Dende o clube fan un chamamento á afección para que encha as pequenas gradas do Pavillón do CEIP Monte Caxado para animar ao equipo nesta delicada situación. CATEGORIAS BASE Nova xornada para os equipos de base de O Esteo onde todos disputaran os seus encontros a domicilio na tarde do Domingo, destacando o derbi local da categoría Alevín na Primera Autonómica entre Lago DVSport e O Esteo F.S. “B”.
Imaxe do encontro da pasada tempada disputado entre os dous equipos en As Somozas | Arquivo O Esteo F.S.