O Esteo F.S. recibe maña sábado aos asturianos do Deportivo Laviana F.S.

Imaxe do encontro ante o F.S. Salamanca | Xose Ferreiro

Os ponteses queren seguir sendo fortes diante da súa afección

O Esteo F.S. afronta este sábado un novo compromiso ligueiro na Segunda División B. O conxunto pontés medirase ao Deportivo Laviana F.S., único representante asturiano do grupo 1 de dita categoría, nun encontro correspondente á vixésima xornada de competición, que se disputará ás seis e cuarto da tarde no Pavillón Polideportivo Municipal de A Fraga (As Pontes).

O conxunto pontés buscará facerse forte unha vez máis diante da súa afección, consciente da importancia de sumar os tres puntos nunha liga cada vez máis igualada e esixente. Tras unha semana intensa de traballo, os ponteses chegan a este encontro coa intención de manter o nivel competitivo amosado nas últimas xornadas e continuar nos postos altos da clasificación.

En fronte estará un Deportivo Laviana F.S. que ocupa o penúltimo posto da clasificación e chega ao encontro de maña sábado tras derrotar na súa pista ao IES Coruxo F.S. a pasada xornada, polo que buscaran seguir sumando para sair dos postos de descenso a Terceira División. O conxunto asturiano destaca pola súa capacidade competitiva, converténdose nun rival incómodo. Agárdase, por tanto, un encontro moi disputado, no que os pequenos detalles poden resultar decisivos.

Na previa do encontro, o adestrador de O Esteo F.S., Iván López sinalou que “chegamos ao encontro con boas sensacións, tra-la gran vitoria colleitada a o pasado sábado en Xove, pero conscientes de que maña teremos diante un rival que ocupa postos de descenso e que se está xogando a vida”. Continuaba decindo que “cada vez vai quedando menos e os equipos da zona baixa da clasificación como Deportivo Laviana vense na necesidade de gañar o que pode ser unha arma de dobre fío tanto para eles coma nos”.

O técnico pontés tamén destacou a importancia do factor cancha “xogar na casa ten que ser un plus para nós. Co apoio da nosa xente queremos levar a iniciativa do encontro, poñernos por diante no marcador e evitar chegar igualados ao final do mesmo para non lle dar opcións ao rival”.

Finalmente, incidiu na necesidade de manter a regularidade “A liga está moi igualada e cada punto conta. Temos que ser sólidos en defensa, minimizar erros e aproveitar as nosas opcións en ataque se queremos seguir sumando”.

No encontro da primeira volta da competición disputado en terras asturianas o resultado foi dun claro tres goles a oito, favorable aos ponteses.

Co empuxe da bancada, os ponteses tentarán converter unha vez máis o pavillón de A Fraga nun fortín e lograr unha vitoria que lle permita continuar unha xornada mais nos postos altos da clasificación.

Dende o clube fan un chamamento a dita afección para que acuda ao pavillón pontés a presenzar e animar aos seus, sabendo que as entradas para presenzar este encontro poderanse adquirir anticipadamente a través da plataforma CLUBER (ligazón nas distintas publicacións do encontro nas redes sociais do club) cos seguintes prezos:

➡️ Socios: Gratis
➡️ Non socios maiores de 18 anos: 7 Euros
➡️ Non socios entre 14 e 18 anos: 3 Euros
➡️ Menores de 14 anos: Gratis
➡️ Pais,nais e nenos da escola do club: Gratis

CATEGORÍAS BASE

Nova fin de semana de competición para as distintas categorías de base que se dividen en tres encontros o sábado e tres o domingo, onde destaca o derbi local da categoría Benxamín da Primiera Futgal. A continuación expoñense os horarios e os lugares onde se disputan os encontros.

Sábado día 7

Xornada 3 Liga Primeira Futgal Ferrol F.S.