Imaxe do encontro da pasada xornada ante o Piensos Durán Albense F.S.

Os de As Pontes buscaran a vitoria para manter vivas tamen as aspiracións de disputar o playoff de ascenso

Os Ponteses xóganse boa parte das súas aspiracións na visita deste sábado ás seis e media da tarde ao Pavillón Municipal Manuel Camba, onde se enfrontaran ao Caja Rural River Sala Zamora na vixésimo novena xornada e penúltima da tempada na Segunda División B.

O conxunto pontés chega a esta cita nun momento decisivo do campionato, situado a catro puntos dos postos de playoff de ascenso e a tan só un de clasificarse para disputar a Copa de España a vindeira tempada. Con unicamente dúas xornadas por disputarse, cada punto cobra un valor vital para un equipo que quere manter vivo o soño de disputar o playoff de ascenso a Segunda División.

En fronte estará un Caja Rural River Sala Zamora que tan só se xoga quedar o mais arriba posible na clasificación. Os zamoranos actuando como locais, adoitan amosarse sólidos e competitivos, polo que se agarda un encontro intenso.

Os ponteses, conscientes de que non pode fallar se queren chegar con opcións reais á última xornada, deberán ofrecer a súa mellor versión especialmente en defensa e na xestión dos momentos chave do partido, aspectos que poden marcar a diferenza nun duelo moi igualado.

O adestrador dos de As Pontes, Iván López, destacou na previa a importancia do encontro “Sabemos que é un partido chave. Estamos a catro puntos do playoff e dependemos de nós para chegar con opcións á última xornada. O equipo está mentalizado e con moitas gañas de competir”.

Ademais, subliñou a dificultade do rival “O River Sala Zamora na súa pista é un equipo moi forte, intenso e que non permite erros. Teremos que estar moi concentrados durante os corenta minutos e ser valentes”.

Por último, quixo poñer en valor o traballo do grupo neste treito final “O equipo traballou moito durante toda a tempada para estar nesta situación. Agora toca dar un paso máis e demostrar que queremos estar aí arriba”.

Con todo por decidir e coa marxe de erro practicamente inexistente, os de As Pontes afrontan unha auténtica final en Zamora coa ilusión intacta e o obxectivo claro de seguir soñando có playoff de ascenso.

No encontro da primeira volta diputado no Pavillón Polideportivo Municipal de A Fraga os ponteses farianse coa vitoria por 4 goles a 2 nun choque moi igualado.

 

CATEGORÍAS BASE

Con algunhas competicións rematadas e outras dando os derradeiros coletazos catro son as categorías de O Esteo que disputaran os respectivos encontros na fin de semana.

Sabado día 25

• Pavillón Municipal As Lagoas (Narón)

10ª Xornada Liga Primeira Futgal

Ás 18:30 h.    S.D.R. e C. NARÓN O FREIXO “A” – O ESTEO F.S.

Domingo día 26

• Pavillón de Castro (Narón)

 13ª Xornada Liga Primeira Futgal

Ás 11:00 h.     NARÓN FUTSAL – O ESTEO F.S. “B”

• Pavillón do Ensanche (Ferrol)

 15ª Xornada Liga Primeira Futgal

 Ás 11:00 h.     CARANZA FUTBOL SALA | BARBERÍA LOS FORAJIDOS – O ESTEO F.S.

• Pavillón Polideportivo Municipal de A Fraga (As Pontes)

 26ª Xornada Liga Primeira Futgal

 Ás 19:00 h.    O ESTEO F.S. “B” – F.S. PONTEDEUME