O Esteo visitará o domingo ao Lugo Sala nun duelo clave para seguir nos postos altos da clasificación

Imaxe de Arquivo | O Esteo F.S.

Os ponteses tentaran conseguir algo positivo na súa visita a Lugo

O Esteo F.S. afronta este domingo unha esixente saída a terras lucenses para medirse ao Lugo Sala. O encontro disputarase á unha do mediodía no Pavillón Municipal dos Deportes de Lugo, un escenario sempre compricado e que promete un partido de alta intensidade.

O conxunto pontés chega con gañas de reafirmar o seu bo momento competitivo e seguir sumando puntos nunha Segunda División B cada vez máis esixente e apertada. A solidez defensiva e o crecemento colectivo amosado nas últimas xornadas serán claves para facer fronte a un Lugo Sala que se caracteriza polo ritmo alto que imprime aos encontros e a súa capacidade para castigar calquera erro do rival.

O conxunto lucense buscará aproveitar a súa condición de local para impoñer o seu estilo de xogo e manterse firme na loita por seguir escalando postos na clasificación.

Pola súa banda, os ponteses saben que será necesario un esforzo coral, concentración máxima e aproveitar as ocasións para conseguir un resultado positivo nunha das pistas máis esixentes do campionato.

Ao remate desta semana de adestramentos, o técnico dos de As Pontes, Iván López, comentaba sobre o encontro do domingo que “desprazamonos ata Lugo para enfrontarnos a un equipo recen descendido de Segunda División o cal comezou de forma irregular a tempada pero é un conxunto con moita calidade que mezcla veteranía xuventude e que de seguro que irá para arriba na clasificación”. Continuaba expresando que “afrontamos o encontro con dúas baixas moi importantes para nos pero a semana a nivel de adestramentos foi moi boa e creo que o levamos o partido bastante preparado”. Por último comentaba tamen que “Sabemos que vai ser un encontro compricado, contra un equipo que nos vai esixir moito e nos tentaremos utilizar as nosas armas para conseguir os tres puntos que serían ideais para distanciarnos deste e outros equipos que estan a cinco ou seis puntos de nos na táboa clasicatoria.”

Prevese un choque vibrante e con moitas alternativas e poderase ver en direto por internet na plataforma de streaming Tiivii.gal adicada ao deporte galego.

CATEGORÍAS BASE

Nova fin de semana onde os encontros das categorías base repartense entre o sábado e o domingo da seguinte maneira, todos eles como visitantes.